香港家庭模式趨向一孩化，令望子成龍的家長投放更多心機栽培孩子，對Playgroup課程需求日增。社會學家指，Playgroup可以培養小朋友待人接物及溝通技巧，但對智能啟發則未必有幫助，家長不要抱着「人去我去」的心態。

理工大學專業及持續教育學院講師陳偉強指，近二十年，香港的家庭結構偏向一孩政策，孩子因而少了與同輩溝通的機會，所以父母會趁暑假幫子女報讀各類型的playgroup，「獨生子女喺屋企好少機會同朋輩溝通，去playgroup可以學吓溝通，家長又唔使睇實個小朋友，是不少都市家長嘅選擇。」

近年Playgroup課程如雨後春筍湧現，不少更標榜能夠有助孩子的智能發展。陳偉強則認為家長不要期望過高，「好多家長都抱住『人去我去』嘅心態，怕其他小朋友參加完Playgroup會叻過自己個仔，但其實小朋友咁細，未必消化到課程內容，當玩吓就好，家長咪期望過高。」

第一手消息請下載on.cc東方互動iPhone/iPad/Android/Windows Phone Apps