政壇：陸恭蕙靠沖涼瞓覺減壓
陸恭蕙自出任環境局副局長以來，推行政策時偶爾會遇上阻力，佢尋日出席一個閱讀分享活動時話，自己閒時除咗睇書，都鍾意跑步減下壓，仲話三十幾歲嗰陣可以一日跑兩個鐘，但依家五十幾歲人就怕膝頭痛唔敢亂嚟，反而會返屋企沖涼瞓覺。佢話沖涼可以一併將煩惱沖走，而且好容易入睡，瞓醒就煩惱盡消喎！
陸恭蕙
佢又推介一本名叫《蠅頭與鳥爪》嘅詩集，話入面好多故事都描寫「內心」，其中一個叫「湯豆腐」嘅故事，講一班食緊清湯煮豆腐嘅人幻想以各種烹調方法，配搭名貴食材煮豆腐，暗指人總是戀棧物欲同肉體嘅享受，但其實簡單以清湯煮豆腐更令人修心養性。
