政壇：潘楚穎勉女性唔好怕難
城市女青年商會舉辦嘅「時尚專業女性選舉」尋日又選出新一屆十位得獎者，包括時裝品牌第二代掌舵人Dee潘楚穎。Dee喜獲殊榮，佢媽媽「紡織女王」楊敏德都戥愛女高興，但Dee笑言近日太忙，未有時間去感受得獎喜悅喎！
潘楚穎（右）喜獲殊榮，媽媽楊敏德喜上眉梢。
從事服裝設計嘅Dee認為要做時尚專業女性，除咗要有領導才能、保持對社會時事嘅觸覺，當然唔少得要追上潮流。佢又勉勵女性，並非環境好、讀名牌大學先至有成就，最重要係克服困難，好似佢一向講開英語、上海話同國語，其實好怕講廣東話，但佢都堅持用廣東話分享感受。
