SUN搞作：少膽虫手記：繼續反智
「我要痣！點解我會無？少膽虫，你有冇？」淫賤黎問少膽虫。見淫黎一副凶相，少膽虫口窒窒道︰「腦細，我……有……」淫黎不屑再問︰「你有？畀我睇吓！」呢句話又觸動少膽虫神經，因為少膽虫粒痣咁啱生喺臀部，「腦細，唔好喇，人哋唔好意思。」淫黎直言︰「怕咩，房得我哋兩個！」面對淫威，少膽虫只好緩緩解開褲頭，淫黎卻說︰「你喺度做咩？」
「我畀人話反智，而你話你有，叫你騷畀我睇，你就做埋啲核突嘢，你個腦真係生喺下面！」淫黎怒斥。少膽虫一臉難堪，惟有續說︰「無計，畀人舊事重提林奮……」少膽虫未講完，淫黎就一手拉少膽虫入廁所︰「除褲喇！」以一貫嘅發展模式，「除褲」都應該係某詞嘅同音字，所以少膽虫以靜制動。點知淫黎一手直取少膽虫要害，「腦細，你做咩？」少膽虫問。「係你話『舊屎』同『淋糞』，我先咁做！」淫黎嘅答案，叫少膽虫欲哭無淚……
