SUN搞作：SUN官場現形記：成家都鍾意「賴」
貪曾子又畀《好報》踢爆做「豹妹」嘅跟得阿四！咁「有趣」嘅新聞，李衞當然唔會放過追蹤嘅機會啦，尋日李衞就特登潛入貪曾宅，聽到以下呢段笑爆嘴嘅對話……
貪曾子：（自豪狀）Daddy Daddy！我學識「賴」喇，係咪好叻？
貪曾：（疑惑狀）「賴」？「賴」咩？我自細教你要「厚顏」，就係無論你個腦點dirty都好，都唔可以講啲下流嘅字o架！
貪曾子：（辯駁狀）你教我㗎喎！
貪曾：（扮正直，訓話狀）我幾時都叫你要好似爸爸咁做一個正直嘅人o架啦！
貪曾子：你唔係話出街食飯要「賴」嘅咩？
貪曾：（認同狀）本質上係啱嘅……但你都唔可以咁粗俗o架嘛，最多講「賺飯」。
貪曾子：（欣喜非常）我真係賺咗好多餐飯呀！雖然我等咗豹妹幾個鐘，但係我唔畀佢走，最後佢索性將佢買咗嘅「外賣」畀晒我，我仲乘機掂到佢隻纖纖玉手添！我真係賺咗好多嘢呀！
貪曾：（老懷安慰）阿仔，你真係叻喇！
