政壇：港區人大訪吉林「有料到」？
三十六名港區全國人大代表將於下月初會展開八日吉林考察行程，眾所周知港區人大都係大忙人，好多時都係盡量抽空出席，未必可以去足全程，而有關方面一般都會體諒，但據聞有關方面對於今次考察團好緊張，呼籲大家最好唔好遲到早退，莫非預視呢次考察團「有料到」？
有人認為呢個「溫馨呼籲」絕不尋常，估計今次考察團「有料到」，甚至可能有特別嘉賓或領導人現身，或者談及最熱門嘅政改問題都唔出奇。翻查資料顯示，前年亦曾試過有京官南下同正在南京考察嘅港區人大舉行座談會。不過，亦有人估計，今次係港區人大換屆後首次長途考察，希望齊齊整整出發顯示隊形先係主因，究竟考察團會否有意外收穫，相信好快就會明朗化。
