相信大家呢排都睇過港鐵招募技術員學徒嘅少女版電視廣告，呢兩日仲喺網上推出麥兜版。故事中嘅麥兜做唔成形象設計師，去咗做港鐵學徒，但最離奇嘅係麥兜大個咗兼減咗肥之餘，仲留咗把長髮變「長毛」。唔少網民睇咗廣告都大鬧港鐵破壞麥兜可愛形象，直情係污染港產卡通咁話。
港鐵呢條短片係講麥兜中學畢業後加入港鐵做學徒，向工程師目標進發。原本想做形象設計師嘅麥兜就話，其實做維修都係同架列車做形象設計，皆因都係執靚列車，等佢哋可以精精神神出廠。不過不嬲蠢蠢哋嘅麥兜手腳仲慢過同佢一齊做學徒嘅老友烏龜亞輝，聽到都擔心。
唔少網民睇到瘦版長毛嘅麥兜都鬧爆港鐵，話港鐵完全破壞麥兜可愛形象，加上見到麥兜大個後前途竟然如此，更加係心都碎埋。港鐵與其搞形象工程，不如減價仲實際！
第一手消息請下載on.cc東方互動
