內地漢亂過馬路捱撞

【本報訊】內地漢捱車撞飛彈十米重傷。現場深水埗大埔道與南昌街交界，昨晨八時許，陳（四十七歲）男子駕駛房車，沿大埔道快線向旺角行駛，途至上址十字路口交通燈位時，一名男子突由安全島步出，陳收掣不及將他撞倒，更炒上車頭冚後，再撼向左邊倒後鏡，繼而飛彈逾十米外墮地，頭部受重傷昏迷。肇事房車左邊倒後鏡撞爛，車頭冚撞凹，陳慌忙落車報警。救護員到場將傷者送院。據悉傷者姓裘（六十六歲）持雙程證來港探親，情況已穩定。警員調查後，疑有人無依交通規則過馬路。