少膽虫驚聞正義傳媒屢揭大埔兇獸出沒，而壹全霉完全無招架之力，連條毛都搵唔到，淫賤黎喺創作會上大發雷霆：「有無搞錯！人哋搵到隻咁兇猛嘅野獸，我哋點都要作到條恐龍出嚟！」少膽虫口窒窒咁回應：「睇怕龍就無喇，虫就有一條……」淫賤黎目露淫光，計上心頭：「咦，係喎！少膽虫入房，散會！」

「少膽虫，有無30cm長呀？」淫賤黎邊摷邊問，喺櫃桶搵嘢。少膽虫哀求：「唔好呀！腦細！好羞家o架……」突然眼前一黑，少膽虫面上就掛住一條豹紋底褲。「睇你褲頭都唔止30cm，呢條啱你，着咗佢！」少膽虫惟有將條褲扯上扯落，遮得前唔遮得後。此時，淫賤黎掏出一支又長又硬淨嘅鏡頭，化身虫友，的起少膽虫出門口。「菜嫌貴！有單突發！個牌頭係兇獸再現！同我睇吓有乜料！」淫賤黎叫完，就扯住少膽虫去堆填區。

少膽虫被迫喺垃圾山上爬行，淫賤黎離遠拉起一把弓監視。「咦，真係有條大虫喎！好兇猛呀！」原來菜嫌貴已到，猛咁影相。「噗！」少膽虫屁股正中廁所泵，即刻就跟劇本大哮大叫再詐死，淫賤黎即刻出嚟抽水，伸出V字手勢，篤住「豹皮」。

「果然係兇獸！」洞悉一切嘅菜嫌貴心諗。「淫賤黎呢挺腦細管理壹全霉，真係苛政猛於虎呀！」

第一手消息請下載on.cc東方互動iPhone/iPad/Android/Windows Phone Apps