SUN搞作：sun官場現形記：神瘋飛行隊
李衞見政府飛行服務隊喺橫風橫雨嘅颱風中，拯救咗19條怒海浮沉嘅生命，理應振奮人心，但係李衞身邊有位前高官，卻極度不滿……
前膠官：唉！不務正業！想當年我主政，呢個部門絕對做唔出啲咁嘅事！
李 衞：你講緊消防處呀？佢哋又闖咩禍？
前膠官：唔關消防事啦，我講緊飛行服務隊呀！
李衞：家陣啲乜隊物隊全部都有問題？
前膠官：好出奇咩？成支管治隊伍直頭係「翹埋雙手任你隊」添啦！
李衞：咁究竟係咩事呢？
前膠官：佢哋竟然用飛機去救人！係救人呀！
李衞：咁又有咩問題……
前膠官：飛行服務隊係應該要服務高官遊機河同跳傘嘅需要吖嘛！
李衞：吓！！！
前膠官：唔講喇，趕住擺酒，去唔去飲杯茅台呀？
李衞：死開啦！貪湯！
