香港皇家警察頂上那帽子，只不過換了一個徽章，由皇冠變成白銀花之嘛！就由一個譽滿全球的最優秀紀律部隊，轉為形象低落的「有牌懦夫」或「鷹犬」！叫人聞者悲痛！點解會咁o架？天呀！

冰封三尺，非一日之寒。

近年，經常聽到有反智的白癡仔說：「我哋政府嘅目標，有長期、中期和短期目標」，同樣，香港警察形象衰敗的原因，也有長、中、短的緣由。遠的不說，就看由八月四日至今，只不過十多天，已見兩次大規模的社會衝突，香港班差人嘅表現，點呢？

站在最前線的低級警員，就係好唔話得，他們確實「盡忠職守」的了！因他們只聽從高層指令做嘢！但看看警方高層的部署和休假差佬的質素，就教人講WTF啦！

旺角一役，正反兩方對壘，除互罵口角外，頂多推撞便是，但元朗呢劑，成群金毛當着差人面前毫無顧忌地開拖，簡直就不把差人放在眼內；若是十六年前，「有皇氣」在頭頂的時候，呢啲魚毛小妖豈敢放肆，可惜，今日的差人，眼光光的，睇住暴徒施襲，仲畀佢哋施施然「安然」散水，呢啲就係「執法」嗎？今次用拳頭，下次出架生添噃！

香港特區亂過交竹，啲蠱惑仔目無王法，警員士氣低落，市民提心吊膽，嗰件甩毛禿鷹究竟有無返工o架？佢死Ｑ咗去邊？咁大很鑊，點解唔見佢出嚟講番句人話？唔通佢「低調」緊？好！睇你低調到幾時！

唉！當被香港廢柴政府最高層高調讚揚時，便是「唔死一身潺」矣！遭狼吻者，肯定無好下場，看看家吓那群涼粉官員，便知我所言非虛！

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps