SUN搞作：Sun官場現形記：做兄弟有錢途
日日新鮮鑊鑊甘嘅燒房處，又有醜聞嘞！一向嫉惡如仇嘅李衞，又點會放過呢個踢爆庸官嘅機會？尋日李衞潛入「燒房總部」，偷聽到以下呢段對話……
燒房隊目：（唏噓）我哋之前去中環碼頭救魚，擒高擒低，好多兄弟都天各一方喇！
錯鑫：（錯愕）吓！乜原來我有咁多下屬大逃亡？
燒房隊目：（搖頭）睬！你無睇廣告咩？我係指佢哋上樓梯嗰陣有關節痛呀！
錯鑫：（懶醒目）關節痛？唔緊要，我哋查多幾次房，等班兄弟郁吓啲手腳，用力洗救護車，鬆吓筋骨，佢哋自然會不藥而愈啦！
燒房隊目：（滴汗狀）處長，查實我哋呢排唔夠人用呀！
錯鑫：（扮大佬）唔緊要，正所謂四海之內皆兄弟，我哋Call之前唔撈班手足返嚟幫手咪得囉！
燒房隊目：（驚慌）會唔會唔啱規矩呀？
錯鑫：（點煙狀）班人都係巡吓舊樓，行行企企食個tea又一日。有咩所謂吖，我哋不嬲做嘢都係咁o架啦，咪當畀錢班兄弟賺囉！
燒房隊目：（驚慌）處長，你犯規喇！
錯鑫：（辯論）點會呀！邊個敢話我假公濟私！
燒房隊目：處長，我想話你依家企喺非吸煙區食煙，係違法啫……
