東方電視
更多新聞短片沙士十年，當年唔少喺前線抗疫嘅香港高官都已經人面全非，喺內地，被譽為「抗擊非典第一功臣」嘅中國工程院院士鍾南山，原來上周一已靜靜雞卸任廣州呼吸疾病研究所所長嘅職務。
雖然鍾南山卸任研究所所長，但其他研究同門診工作不變。（資料圖片）
廣州醫學院上周一公布，現年七十六歲嘅鍾南山卸任研究所所長，但其他研究同門診工作不變。鍾南山一向以不畏強權、果斷敢言見稱，好似內地政府喺○三年沙士初期一度封鎖消息，但佢當時力排眾議，自訂醫療方案挑戰北京權威，最後更獲「抗疫英雄」美譽添!
上年先卸任全國人大代表嘅鍾南山，亦曾「撈過界」批評內地嘅兩會充斥阿諛奉承、空話連篇嘅歪風，難怪多年來喺內地市民心目中一直維持高人氣、高民望。香港敢言嘅高官近年都買少見少，希望佢卸任後可名正言順「撈過界」，多啲點評政事。
第一手消息請下載on.cc東方互動
