初嘗泥漿浴經歷最難忘
郭嘉傑（前右一）嘗試觸摸護林員手上的海蛇。
【本報訊】親身體驗火山泥漿、赤腳穿越森林、再衝進清澈碧海，學生們不約而同指泥漿浴是最深刻的經歷。「我真係諗唔到原來泥漿浴個環境係咁原始，啱啱見到嗰時都唔敢落去，但原來落咗去又覺得好好玩！」將升讀中五的郭嘉傑笑指滿身泥漿後無法穿上鞋子，要赤腳行走半小時下山的經歷既辛苦又刺激。
郭嘉傑（前右一）嘗試觸摸護林員手上的海蛇。
朱昭怡在泥漿中變成「花面貓」。
四天的旅程中，同學們有機會見到不少當地獨有植物，如神山裏便長有品種最細小的蘭花，以及有易燃汁液的電油果。「今次見到全世界最大嘅『屍花』，又有長鼻猴，有多動植物我哋都冇見過。覺得好新奇，但亦都會諗人類係咪真係應該繼續朝石屎森林嘅方向發展落去？」郭嘉傑直言旅程中的所見所聞，令他更深入了解到保育的重要，正在高度發展的香港必須在發展及綠化之間取得平衡，人類才有機會親近大自然。
「迪加島啲水真係清到可以見底，我見到之後真係覺得要做好啲環保工作，好好保護大自然！」同樣將升讀中五的朱昭怡不諱言過去環保意識不高，旅程後會多從生活細節着手，如少用膠袋，及垃圾分類等方面做好源頭減廢，為減少環境污染盡一分力。
