城中鏡：楊大偉一夜籌2000萬人民幣
楊大偉利用商業頭腦為慈善機構籌款，一夜間籌得二千多萬元人民幣。（資料圖片）
社會企業Green Monday創辦人David楊大偉近年積極行善，推動周一素食減碳之餘，亦好支持其家族早年喺內地成立嘅慈善機構，經常親身走訪內地多個貧困地區，並捐款醫治白內障患者及先天性心臟病嘅兒童。
楊大偉利用商業頭腦為慈善機構籌款，一夜間籌得二千多萬元人民幣。（資料圖片）
David話早年同已故父親楊洪探訪河北石家莊，見到當地有好多患上先天性心臟病嘅兒童，David於是諗計為病者籌募手術經費，結果短短一夜間就籌得二千幾萬元人民幣。撲水咁成功，皆因佢巧妙利用商業上嘅「集資」理念，先與當地醫院商議，降低手術收費，以同樣嘅價錢，醫好三個病人。
佢同當地政府商討，提議每位公務員、省企及國企員工捐出日薪，政府亦要捐款，結果輕易籌得大筆善款。佢話當然唔少得公眾嘅參與，雖然市民捐款數目唔多，但能夠帶動社會捐獻嘅氣氛。最終佢哋公司只捐出百分之十嘅善款就有咁嘅佳績，證明「拋磚引玉」呢條橋係得嘅。
