商界味甚濃嘅富貴黨內一班年輕人,最近靜靜雞出招,設計咗款新T恤,倣效經常哲古華拉上身嘅「長毛」梁國雄,將代表自由主義嘅已故前美國總統列根頭像印喺T恤上面,等市民見到列根,就諗起該黨嘅右翼理念咁話。有份設計呢件列根T恤嘅青年團主席李梓敬話,將美國右翼代表列根着上身,係畀市民知道該黨認同大市場、小政府,同埋維護傳統家庭價值等理念。唔怪得李梓敬近排言論愈來愈惹火,繼高舉反對綜援養懶人旗幟、支持保留粉嶺高爾夫球場外,嚟緊仲計劃反對動用公帑資助外國難民添!

李梓敬(前左二)將列根着上身係畀市民知道富貴黨嘅理念。

第一手消息請下載on.cc東方互動iPhone/iPad/Android/Windows Phone Apps