「如若我信自己，深深的相信你……」歌聲傳入耳中，原來淫賤黎喺度一邊踱步一邊唱歌。少膽虫心裏好奇，唔通佢覺得搵少膽虫頂咗罪，成個人輕鬆晒？於是少膽虫上前深深作揖，問道：「腦細做乜咁有雅興唱歌呀？」話音剛落，一道佛光乍現，紫氣東來，道德偉竟然喺眼前出現！

「大師你嚟咗喇？素仰你長居道德的喜馬拉雅山尖，希望你打救壹全霉，等我哋唔好再咁傷風敗德啦！我已經日日唱你啲歌，道德咗好多……」淫賤黎好似轉死性咁，竟然想改過自新，睇怕係畀內地前記者鬧完不道德，傳聞當堅料，所以想補鑊喇。道德偉眉目間透出一陣禪味，用國語正色道：「我的佛……」

淫賤黎與少膽虫面面相覷，不知所云。少膽虫為打破僵局，多口問：「大師大師，我哋又畀香港家長之首追殺，話我哋係不義全霉，咁又點化解呢？」話未講完，淫賤黎一巴冚過嚟：「傻嘅咩你？我改名改得叫壹全霉，梗係不三不四，仲點會不二啫？」

此時大師又發言：「我的佛！」淫賤黎更是懼怕，不斷琢磨當中機鋒。少膽虫只好少膽咁問：「大師不妨明示，指條康莊大道畀細佬吖……」

道德偉按捺不住：「我係話WHAT THE FXXK！你哋咁嘅爛全霉，仲想學人道德啲？下世啦！」

第一手消息請下載on.cc東方互動iPhone/iPad/Android/Windows Phone Apps