城中鏡：潘楚穎忙工作好開心
潘楚穎（左）近排忙於秋冬男裝事務，身邊模特兒將展示她和同事的心血結晶。
夏日炎炎，但時裝界已為秋冬新產品做緊準備，名媛潘楚穎尋日就以行政總裁身份出席旗下男裝嘅秋冬預展，呢個年輕CEO坦言最近好忙，除咗公司營運外，自己都要參與新產品嘅創作構思，雖然忙到冇時停，佢仍然覺得好開心：「總之最重要開心，寓工作於娛樂！」
潘楚穎（左）近排忙於秋冬男裝事務，身邊模特兒將展示她和同事的心血結晶。
明明係公司一姐，但潘楚穎話，自己喺公司乜都要做：「工作佔我好多時間，每日起身就做嘢，放工就返屋企。」會唔會朝七做到凌晨一點啩？佢笑笑口話：「咁又冇，不過同事成日都話我好似廿四小時工作，成日都收我好多email，而且我亦好多問題問。」佢解釋，構思新設計時，創作過程仲要不停更改，所以佢亦好似永遠有做不完嘅工作咁。
佢又話，自己冇分咩嘢工作時間或私人時間，總之見乜嘢就做乜嘢。
