城中鏡：蔡敏思難忘蠍子草之吻
蔡敏思喺新疆草原上騎羊仔拉車，感覺好新奇。（受訪者提供）
香港青年聯會常務會董蔡敏思（Mence）早前同小學同學孖住遊新疆，漫步薰衣草園，於草原上玩羊仔，又到蓮花池採食爽脆嘅新鮮蓮子，更試過以提子乾、甘筍及薑黃製成嘅「手抓飯」，佢大讚風味十足。不過，Mence話今次旅程最難忘嘅，都係遇上「蠍子草」。
蔡敏思喺新疆草原上騎羊仔拉車，感覺好新奇。（受訪者提供）
Mence笑言，與老友首次遊新疆，感覺好似回到小學時代，全程柴娃娃乜都玩餐飽，心境開朗，個人都年輕啲。佢同友人先飛武漢再轉機到烏魯木齊，最後坐小型機抵達新疆伊犁那拉提草原，玩足八日。話說有日佢哋喺草原上玩，但人有三急，附近又冇洗手間，於是各自搵地方「解決」。點知二人蹲下之際，雙雙發出尖叫聲，原來係被草地上嘅「蠍子草」拮親，傷口即時麻痹兼劇痛。好彩「蠍子草」附近必有解藥，即時解毒，認真有驚無險。
