環保係大潮流，近年好多公司或品牌都走簡潔路線，六月時借殼上市公司深圳科技（00106，已改名做朗詩綠色地產）嘅內地百強房地產商朗詩集團，尋日出嚟見街坊，董事長兼揸Fit人田明都係主打簡潔，大原則係簡單就是美，洋名Martin嘅田明亦放棄西裝，穿上普普通通嘅Polo Shirt，加件背心亮相。

成功借殼後，佢哋搞咗個「成功登錄香港資本市場」答謝會，田明輕鬆露面，佢話一方面想輕鬆一啲，另一方面就係佢哋一般不搞那些繁文縟節，就好似佢哋嘅建築咁，都唔鍾意用太名貴嘅嘢，鍾意自然咁話喎。唔知係咪配合打入國際市場，田總仲有樣其他內房阿總好少有嘅嘢，就係洋名喇！原來佢洋名叫Martin，聽落仲同中文名好襯喎。

第一手消息請下載on.cc東方互動iPhone/iPad/Android/Windows Phone Apps