城中鏡：靠實力：嚴玉麟智能戰勝淡市
嚴玉麟（左一）旗下公司業績報喜，佢同太太徐玉珊（左二）、囝囝嚴子杰夫婦（右一及二）梗係笑開顏。
最近上市公司相繼公布業績，有人歡喜有人愁，外圍市道影響下，唔少公司業績都有影響，不過，食正條水嘅就例外，上市公司時捷集團日前就逆市發盈喜，預期盈利將有大幅增長，負責人嚴玉麟日前同太太徐玉珊及囝囝嚴子杰夫婦出席一個活動，講到生意，佢淡定又自信，咁究竟點解佢旗下公司可以喺逆市發盈喜呢？
嚴玉麟（左一）旗下公司業績報喜，佢同太太徐玉珊（左二）、囝囝嚴子杰夫婦（右一及二）梗係笑開顏。
Stanley間公司嘅業務正係日下流行嘅智能產品，如智能手機主芯片、記憶卡、顯示屏及視像頭等「靈魂」零件供應商，依家智能手機及相關市場正蓬勃發展，難怪佢哋訂單接到手軟喇。呢晚佢哋參加一個慈善活動，Stanley笑笑口話，一向都支持行善，未來都會繼續瞓身支持。
