城中鏡：紅魔簽名波衫 慈善夜主角
鄧肇殷（左一）嘅媽媽葉鍾佩雲（左二）花四萬二千元投得曼聯球衣。
市道淡靜時慈善籌款嘅難度也特別大，仁濟醫院日前舉行籌款，就好彩有班海外學生幫手，呢班優質援手利用暑假返港積極籌款及探訪，用辛勤及汗水換來一百七十萬元善款。
鄧肇殷（左一）嘅媽媽葉鍾佩雲（左二）花四萬二千元投得曼聯球衣。
最上鏡港姐岑杏賢（右二）盛裝赴會，王賢訊（左一）與太太朱穎詩（左二）及馮卓能（右一）幫手招呼。
籌得$42000
日前佢哋舉行咗「海外學生仁濟夜」慈善餐舞會上，學生會更將籌得嘅大支票移交予仁濟主席梁昌明。當晚仲有拍賣環節，總理鄧肇殷（Erica）嘅媽媽兼卓悅集團副主席葉鍾佩雲出手競投曼聯球星簽名球衣，以行動支持愛女做善事，最後她以四萬二千元投得。
曼聯係港人熟悉嘅英超球隊，早前先嚟過香港參加賽事，呢個拍賣品真係夠晒食腦。身為仁濟夜副主席嘅Erica，當晚一早就到場打點，佢啱啱同家人去西班牙旅遊，叉足電後又埋首工作。最近零售市道吹緊淡風，Erica話，旗下集團近期不時喺全線分店推出超抵價商品，例如一蚊一支名牌洗頭水，人潮多到爆。
講起前仁濟主席李文斌及太太Amanda再次添丁，Erica話仲未去探BB，但已趁去西班牙旅行時買定禮物喇。當晚到場嘅仁濟人有副主席蘇陳偉香、馮卓能及王賢訊，仲有總理朱德榮及陳李詠詩等人。
