名貫江湖嘅「劏房酒駕囤地波」，今天起，個朵又再響啲，叫做「劏房酒駕囤地炒車波」！勁！

世上，哪有一個政府官員因交通意外入廠，全球記者湧去採訪，第一個問題，亦係唯一關心的，就係那位官員「有無進行酒精呼氣測試」，「結果係點」？

佢死唔死得？條頸有無斷？隻腳有無跛，一概漠不關心！

咁都未算不得人心，當這位「失事官員」攤抖大半天，無恙出院，傳媒包圍追問的，又不是問有無唔舒服，而係，「喂！你幾時辭職呀？」

Oh！My God！若我係呢件經常失事（或說「出事」）的廢柴庸才，我揸住架車，一定唔會撞埋架的士度，我會揀「撼頭埋牆」，算罷啦！

由「囤地波」頓變「炒車波」，源於佢一路揸車一路諗嘢，思考緊。當一個人諗嘢唔正路思歪咗，行條路都不會正直的也！所以，最後，行歪路，兜嘢撞人哋那無辜嘅的士囉！

喂！你思歪行歪路啫！點解要累埋人，搵人「陪葬」咁無良o架！要死，唔該你自己行遠啲啦！

因炒車波入廠，又看到對咱們市民的不公平。嗱！炒車波被白車送入院前，懂得自行落車，打電話畀老婆報平安，不及的士司機要戴頸箍咁嚴重吖！反而勞煩到食衞局局長高永文飛撲去醫院睇佢大唔大鑊，哦！去探病，人之常情，當然無問題，但毋須要局長站在鏡頭前解說病情吖！如斯小事，叫主診醫生講兩句咪得囉！局長！你好得閒咩？前日，西洋菜街有人焗暈，又唔見你去慰問吓！大細超呀？看官，話之佢死啦！廢柴！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps