城中鏡：高佬賢拉隊學激光閹雞
何俊賢八月中會帶隊去台中，向當地雞農取經。
每逢暑假，都係議員外遊黃金時刻，但仍然有部分議員出外玩都不忘關注業界議題，好似漁農界議員「高佬賢」何俊賢咁，佢八月中就會帶隊去台中，向當地雞農拜師。佢話原來當地嘅雞好多都係閹咗嘅雞，而且全部用激光處理，既快捷又平，如果可以引進入香港，港人就大飽口福。
何俊賢八月中會帶隊去台中，向當地雞農取經。
點解咁講呢？原來閹雞又叫「（先刀）雞」，高佬賢話「𠜎雞」肉質特別肥美滑溜，食落雞有雞味，用嚟打邊爐就一流。之不過香港技術落後，要用人手閹雞，每隻成本最少二十蚊，搞到無乜雞農花錢閹雞，所以高佬賢話近十年八年，香港啲雞質素差咗好多，味道亦淡茂茂，就係因為無閹。
