城中鏡：郭炬廷教建立人脈
郭炬廷教班「仔女」首先要學習建立人際關係。
依家仲暑假，花旗香港商業銀行已經幫企業客戶嘅一班仔女「開班」。呢班後生仔尋日開學，花旗香港商業銀行主管郭炬廷急不及待塞錢落佢哋袋，「上堂固然緊要，不過最緊要係建立人際關係，今日坐喺你身邊嘅同學仔，可能成為你日後嘅好朋友，甚至係生意夥伴。」雖然好似講到好現實咁，但現實中又真係咁喎。
郭炬廷教班「仔女」首先要學習建立人際關係。
喺資訊發達嘅二十一世紀，上網大把「知識」湧出嚟，反而係人與人之間嘅關係，就需要用心經營。今次有三十二位嚟自唔同背景嘅青年人參加活動，一齊北上參觀廠房，又一齊入營，真係日對夜對，分分鐘會變成大家嘅好朋友，所以，喺吸收知識嘅同時，都要互動o架。
