政壇：頭頭碰着黑波波冇得抖

尋日朝早就見由司機車佢返回政府總部如常上班，見佢都精神唔錯，但佢就封口冇再回應記者嘅提問，開工之後仲開咗三個內部會議，未見有任何不適。據悉，波波冇打算請病假，但就擬於本月底放暑假。

頻被插忙於解畫

老實講，由波波出任局長至今，先係劏房風波到近日新界東北發展計劃又捲入涉嫌利益衝突疑雲，畀人插到嘔，忙於解畫，以為立法會有關新界東北發展計劃嘅聽證會結束後，可以攤抖下喇，點知無喇喇又撞車，睇嚟佢要放暑假休息吓都不無道理。

至於單交通意外，警方發言人尋日就話港島總區交通部特別調查隊現正跟進調查，正安排同相關人士會面同錄取口供，暫時未有人被起訴。