前日發起撐警方集會嘅香港家長聯會會長李偲嫣，近日畀力撐爆粗老師林慧思嘅傳媒起底，其中之前已不斷抹黑佢嘅《蘋果日報》，更加連佢喺二十前年破過產嘅歷史都摷埋出嚟，令佢同家人感受到好大壓力，佢狠批《蘋果日報》無道德。

李偲嫣同我哋講，話佢亡父過往經營紡織廠，後來行業式微欠落銀行大筆債務，九一年過身後公司由佢接手，佢最後喺九三年畀人申請破產，但九七年已獲解除破產令。

近日《蘋果日報》記者無喇喇追問番佢呢一段歷史，甚至連佢曾經改過名、畀窗簾公司入稟小額錢債審裁處追討千多元窗簾費、同立法會議員梁美芬相熟等，《蘋果日報》記者都好似審犯咁要佢逐一解釋，令佢覺得好無辜兼無良。

李偲嫣強調，自己只係想支持警方依法辦事，以及為一眾唔想啲仔女被教壞嘅家長發吓聲，點解要畀人咁樣起底同批鬥，質疑目的都想「滅佢聲」，令人反問香港仲有無言論同表達自由。

另一高材生陳巧新就係不折不扣嘅科學迷，自小已同科學結下不解之緣，仲瘋狂到無時無刻都善用facebook睇科學期刊！嚟緊佢仲有個鴻圖大計，就係同幾位朋友合作拍片擺上YouTube，免費傳授文憑試嘅學習精華，八月中有得睇嘞。

第一手消息請下載on.cc東方互動iPhone/iPad/Android/Windows Phone Apps