政壇：送走貪曾司儀負笈英倫
五位高材生將遠赴英國名學府交流，圖中左二、左三分別係周曉盈同陳巧新。
今年港大有五位高材生成功攞到滙豐銀行海外獎學金，即將負笈英國名校交流一年，展開燦爛充實嘅學習旅程。五人中，修讀工商管理（法學）嘅周曉盈舊年去過特首辦實習做政務官，月薪七千七百元，由司儀到狗仔隊都做埋。
五位高材生將遠赴英國名學府交流，圖中左二、左三分別係周曉盈同陳巧新。
做過立會狗仔隊
特首辦平日守衞森嚴，閒人止步，小妮子入到去當然大開眼界啦。喺佢嘅實習過程裏面，竟然「擔大旗」做過貪曾前特首曾蔭權爵士卸任告別會嘅司儀，仲做過立法會狗仔隊，幫手點算議員出入記錄，由於太驚點錯相，前一晚佢仲特登刨熟晒各議員大名同相貌添！
另一高材生陳巧新就係不折不扣嘅科學迷，自小已同科學結下不解之緣，仲瘋狂到無時無刻都善用facebook睇科學期刊！嚟緊佢仲有個鴻圖大計，就係同幾位朋友合作拍片擺上YouTube，免費傳授文憑試嘅學習精華，八月中有得睇嘞。
