「炸機」驅睡魔 小巴司機捱打
司機展示受傷的耳背。
醉客不滿小巴司機「炸機」提神，拳毆司機險釀嚴重車禍。一輛通宵「紅頂」小巴，昨凌晨由旺角開往大埔途中，司機被一名滿身酒氣乘客指其車廂音響聲浪太大，惟南亞裔司機以防止眼瞓為由拒絕將聲量收細，雙方爭執，小巴駛抵大埔落客時，司機突遭人箍頸施襲，他驚惶間更誤踏油門致小巴一度失控衝前，幸無「炒車」，司機其後掙脫逃出報警，警員到場將醉客拘捕。
司機展示受傷的耳背。
司機背部留有紅腫傷痕。
醉客手部受傷，由警員陪同送院治理。
涉事小巴停在路旁。
昨晨二時許，一名南亞裔(三十七歲)司機駕駛通宵小巴，由旺角開往大埔，期間他一直開着音響聽歌，駛至九龍塘時，一名滿身酒氣的姓陳(三十六歲)乘客，疑因不滿音樂聲太大，出言指罵：「你啲音樂好嘈呀！」司機解釋聽音樂有助提神，拒將音量收細。有人聞言後即表示：「返到大埔就慢慢同你玩！」司機反唇相譏：「使唔使停車畀你，轉乘的士返大埔?」雙方再未有進一步行動。
誤踏油門險釀車禍
當車上眾人以為爭執已告一段落之際，小巴駛至大埔寶湖路近廣福邨停車落客時，司機突遭人從後襲擊，將他撳低按於軚盤上，隨即向他箍頸，再揮拳毆打其後「後尾枕」，其他乘客見狀報警求助。懷疑司機停車時未有拉好手掣，而他被襲時又誤踏油門，小巴失控衝前數米。司機幾經掙扎，才拉上手掣開門逃走。警員到場制服男子，以涉嫌襲擊罪將其拘捕。司機後腦、背部、耳背及眼角受傷。
