一.太敏感

某日誠信首領喺府邸耕緊田，有路人經過，問佢「Any snowfall in London？」首領滴一滴汗，大聲嗌出嚟，「I will not comment on any individual case!」路人愕然，再問，「唔係問你斯諾登喎！問你英國冬天有無雪落咋喎！」誠信首領即刻放低鋤頭，口窒窒：「我聽錯咗啫，我剛剛嘅回答係唔存在嘅！」

二.聲音污染

「只要我一息尚存，也忘不了你……」鑊鑊趁禮拜日喺教堂門口練歌，點知撞到貪曾，二人久別重逢，格外歡欣。鑊鑊問貪曾呢排搞緊乜，貪曾話：「奧巴馬出巡玩自拍，我貴為政治家，都買咗支長鏡頭玩下，可以幫你影張相o架。」鑊鑊即刻學莫華倫pose，點知等咗十五分鐘，貪曾都搞唔掂個腳架碌棍。有見及此，鑊鑊問：「你整棍整完未呀？」豈料風雲變色，貪曾突然怒不可遏，大叫「政棍？我政棍都好過你特登借翻閹為名，出show製造聲音污染呀！」

第一手消息請下載on.cc東方互動iPhone/iPad/Android/Windows Phone Apps