天主教香港教區副主教楊鳴章早前開腔回應佔領中環活動，揚言唔排除接受市民透過佔中達致政改目的，尋日年屆退休嘅主教湯漢出席一個活動，大家都想進一步了解天主教香港教區對佔中嘅真正立場，但湯漢就封口唔講，活動後只留低一句「我趕住入機場」就快閃。
不過，上月底係湯漢七十四歲生日，尋日活動上，大家都為佢補祝生日快樂，仲預備咗蛋糕增加氣氛。湯漢快將退休，接班人誰屬備受各界關注。
