政壇：鍾國斌遊埠驚曬燶頭髮
鍾國斌外遊全程戴帽防止曬燶頭髮，特別係去到空曠嘅土耳其以弗所古城。（受訪者提供）
立法會紡織及製衣界代表鍾國斌（Felix）向來重視衣着，仲好緊張頭髮，Felix早前一家幾口去土耳其同希臘玩，攝氏三十八度高溫下，佢差唔多日日都戴帽，據佢解釋，唔係驚中暑，而係驚曬燶啲頭髮喎。
鍾國斌外遊全程戴帽防止曬燶頭髮，特別係去到空曠嘅土耳其以弗所古城。（受訪者提供）
今次旅程多數係睇名勝古蹟，冇試過土耳其最出名嘅奇石林熱氣球同土耳其浴，佢話基於熱氣球安全問題，有關方面都唔鼓勵遊客去玩，而佢本人就好怕被陌生人摸來摸去，所以都冇試土耳其浴喇。
去到希臘，Felix就對當地嘅百貨公司好感興趣，佢話照計七月未算係零售淡季，但好多百貨公司都已經四、五折大減價清貨，可想而知當地經濟有幾差。玩咗十幾日，係時候收拾心情重投工作，遲啲又要飛去緬甸商討港商在當地設工業園計劃。
