政壇：專資會拉大隊欣賞中樂
黃偉雄夫婦（左起）、胡曉明太太梁子慧、謝偉銓夫婦及胡曉明都愛好音樂。
專業及資深行政人員協會（專資會）隔個月就會搞一次聯誼活動，去過濕地公園、聽音樂會等，日前佢哋又拉隊欣賞香港中樂團演奏嘅歌后鄧麗君經典之夜，唔少人仲一家現身享受家庭樂，會長謝偉銓（Tony）就同太太及囡囡Mimi一齊出席。
黃偉雄夫婦（左起）、胡曉明太太梁子慧、謝偉銓夫婦及胡曉明都愛好音樂。
Tony話該會有唔少成員都係音樂發燒友，咁啱理事梁廣灝身兼中樂團副主席，所以大家不時相約欣賞中樂兼捧老友場。前會長胡曉明話，佢同太太梁子慧都係中樂團擁躉，副會長黃偉雄更自小就加入步操樂團，依家都積極培育下一代，下月將帶團到日本千葉縣，參加世界步操音樂節。身兼該會理事嘅會計師公會會長趙麗娟亦多才多藝，愛拉奏二胡、吹笛、彈琴及攝影，更曾出任中樂團副主席。
