尋求心理安慰易上癮變病態

「有好多人以為整容就可以解決問題，搵到好姻緣，搵到份好工，創傷又唔大就無妨一試，其實整掌紋或者整容，只係心理安慰劑。」註冊臨床心理學家鄒凱詩表示，整掌紋或者整容全因為欠缺自信心，以為整完容就可事事都順利，其實這只是尋求心理上的安慰及滿足自我，至於有否成效則難以下定論：「有人整完容就有信心，有膽識異性，可能真係有幫助，但同改運無直接關係。」

鄒凱詩提醒，過分沉迷整容改運，最終會愈陷愈深，不能自拔：「佢哋對外表太過着重，見整咗得，就會再整，結果上癮，咁就係病態。」

她認為要提升自信，方法很多，例如學習多些自我欣賞，加強自我肯定，改善待人接物態度，自然會得到他人的接受，這樣才是實際之法。