哈哈！真笑爆嘴！

於二○○九年，上屆香港貪腐特首煲呔乘北上述職之便，在領導人面前自誇「打造香港成為體育之都」。哈哈！今日，連一個可以招呼外地朋友來踢番場友誼波嘅似樣球場也欠奉呀！「體育之都」？哈哈！

當年由貪曾下令耗資十多億港幣修建的香港大球場，嗰筆錢死咗去邊呢？點解咁多錢會搞出一個被全球笑爆嘴嘅「大泥地」呢？中間有乜景轟？有無唔見得光嘅枱底數呢？即使貪曾銷毀幾棟國金大廈咁高嘅「秘密檔案」，我亦敬請ICAC去翻舊帳，追查一下好喎！

講番呢塊爛溶溶、被外國傳媒指摘為「殺人球場」的「泥地」，除凹凸不平、容易令球員「拗柴」斷腳之外，原來仲暗藏不少玻璃碎和小石仔，如何叫一隊身價百億計的球壇班霸同你玩呀？人哋嚟係踢波o架？唔係「玩泥沙」，或打泥漿摔角o架！

呢個大爛地，最啱畀香港廢柴政府舉辦「泥漿摔角」，尤其是可以請環境局局長囤地波全家嚟表演一下「泥漿摔角守衞術」，人哋點攻都攻佢唔到嘅絕技！更可以搵曾鈺成嚟旁述囤地波嘅「論盡唧牙膏」本領，長毛等激進派點樣插佢眼、建制派點樣熊抱攬佢幫拖、廢柴政府高層點樣插水唔蒲頭，囤地波上司點樣施展「迷魂鎖」用偽語迷惑群眾。真係講都好聽矣！有得睇就更爽……不過，香港人卻滿身泥濘呢？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東方互動iPhone/iPad/Android/Windows Phone Apps