SUN搞作：少膽虫手記：壹全霉慳啲
「又退咁多紙……」話猶未完，淫黎已經一巴摑落少膽虫塊面度，「印少啲慳錢吖嘛！死蠢！」畀淫賤黎打係家常便飯，故此少膽虫早有預備，即刻喺櫃桶摷咗個雞蛋出嚟碌，一邊碌，一邊安撫盛怒中嘅淫黎，「我哋點都要做個樣呀，腦細！」
「腦細，人哋波波咪又係呢度收、嗰度匿……畀人踢爆又唔使落台，仲自詡清官呀！」淫黎壹臉疑惑，「我哋要慳錢同波波冇關係o架，你唔好偷換概念！」「腦細，我哋不如開間環保機構，回收退番嚟嘅紙再賣出去，印多啲係用嚟做樣篤數挑戰正義傳媒o架。波波都係左手交右手，錢滾雪球扮清廉之嘛。」
淫黎聽完，手托肥頭，用個諗緊嘢嘅「忍」樣對住少膽虫。頃刻間，跳起身大叫，「哈哈！我成世人最叻就係識發掘人才！我決定開環保公司，第一個回收咗你！」少膽虫摸一摸仲痛緊嘅臉，不禁仰天長嘆。
