SUN搞作:Sun官場現形記:一啲都唔廢嘅廢官
尋日喺「門常開」撞到最近好紅嘅膠官波波,梗係即刻同佢嚟個埋身擊。點知波波死都唔肯正面回應一路以嚟嘅醜聞,仲大玩「唧牙膏」,醜態百出添。
李衞:請問近日你所面對嘅事情有幾艱險?
波波:(滴汗狀)我每日都面對唔同嘅事,唔記得咗喇。
李衞:好多人冇樓住喎,點解你唔捐地改善貧民生活?
波波:(驚慌狀)我都話我冇地咯!
李衞:唔係呀,你老婆又有、個仔又有、依家連老婆個細佬都有。
波波:(摷褲袋)我唧!我唧!
李衞:嘩,你唧乜嘢?
波波:(興奮狀)前朝林公公有錄音機嘅污名,我有牙膏唧,我新朵叫唧波波!
李衞:你真係一個廢人呀!
波波:我一啲都唔廢,我可以做「乞人憎」牙膏代言人!