城中鏡：孫大倫同孫仔樂聚天倫

之前都講過，中港照相器材主席Dennis孫大倫，舊年將上市公司交咗畀大仔孫道弘接手後，半退休日子樂得清閒，當然仲會多咗時間陪屋企人喇！好似尋日中午，就喺被稱為富豪飯堂嘅飯店門口見到Dennis兩公婆，佢哋當時喺飯店附近嘅報檔翻閱雜誌，一邊睇一邊笑，睇嚟係揀緊買邊本雜誌喇。記者上前同佢哋打招呼，問起佢哋係咪兩公婆撐枱腳呀？Dennis就透露係同孫仔嚟飲茶。咁又係嘅，尋日係周日，有乜嘢比享天倫樂更好嘅節目吖！