入店

全國政協委員「阿姐」汪明荃位於西貢嘅豪宅日前第三度遭賊人爆竊，整個夾萬被抬走，包括婚戒在內嘅三百萬元財物不翼而飛，阿姐大嘆損失慘重，當堂冇晒心機。

入店

驗機

學嘢

咁啱案發前幾日嘅下晝兩點幾，記者先至喺中環ifc遇到身穿長袖風褸、迷彩褲同涼鞋嘅阿姐同一名女性朋友。當時阿姐以淡妝示人，加上戴住墨鏡、束起馬尾，行蹤甚為低調。當佢踏進電子產品旗艦店時，仍被店員及客人認出，但見慣大場面嘅阿姐好淡定，報以微笑回應。店員上前招呼佢哋，阿姐隨即從手挽袋內拿出一部平板電腦，畀店員檢查機身。

傾足個多小時

店員檢查過平板電腦後，表示機件運作正常，但好學嘅阿姐冇放過自我增值嘅機會，繼續捉住另一名店員，向對方請教用法，店員亦樂意從旁指導。期間阿姐表現得非常專注，托住個腮咁細心聆聽，又不時向店員發問，對方都有問必答。三人企喺店內研究平板電腦，足足傾咗個多小時，最後阿姐帶住滿意嘅笑容，同女友人一同離開。發生爆竊案後，傳媒報道「事主」汪明荃六十五歲，總之無論幾多歲，都要與時並進，唔好落後於時代就啱嘞！

第一手消息請下載on.cc東方互動iPhone/iPad/Android/Windows Phone Apps