政壇：袁彌明網上晒煙韌合照
尋日遊行，林雨陽為袁彌明撥走面上污垢。
Erica袁彌明接任人民力量主席唔夠兩個星期，就宣布絕食五十小時，以示爭取普選決心。佢絕食完後，就喺社交網站上載同任「謎網」行政總裁嘅男友林雨陽一張「頭貼頭」煙韌合照，大爆尋日係兩人拍拖三個月嘅大日子，又大讚林雨陽係一個廿四孝男友，除咗幫Erica買床褥同蚊帳外，仲喺遮打花園大風大雨期間全程陪伴伊人左右，成為Erica絕食時最重要嘅精神支柱。
尋日遊行，林雨陽為袁彌明撥走面上污垢。
民陣尋日發起倒波遊行，Erica同林雨陽就用遊行嚟慶祝拍拖三個月。兩人肩並肩一齊行，當佢哋行到差唔多一半時，林雨陽突然發現Erica塊面有啲污糟，於是佢就叫Erica停下腳步，非常細心咁幫伊人輕輕撥走臉上污垢，而Erica好聽話咁合上雙眼，仲展露一個甜到漏嘅笑容，可謂羨煞旁人。
