「少膽虫，畀我，快啲畀我，我要呀！」淫賤黎氣喘如牛，竭力呼喊。自古洞一役後，少膽虫猶如行屍走肉，「係嘅腦細，我咩都畀晒你！」少膽虫眼角泛起兩滴淚光。豈料淫賤黎不顧眾人目光，使出一招撥路尋……徑，「哎呀！」少膽虫一聲哀號，就畀淫賤黎推至牆角，只見淫賤黎向前狂奔，原來佢要嘅係一條路……

少膽虫回頭一看，一群兇神惡煞嘅員工已經殺到，「呢個腦腫都有份，打佢！」少膽虫見勢色唔對，即刻緊隨淫賤黎，最後雙雙走入等候室，反鎖其門。「腦細，究竟發生咗咩事？」少膽虫問道。淫賤黎道︰「少膽虫，你唔記得喺古洞見波叔嗰次，我見佢咁有『錢目』大師風範，咪想學吓佢，所以我用你嘅名義炒員工魷魚。」

突然「嘭！嘭！嘭！」嘅拍門聲響起，「出嚟，快啲出嚟！」門外員工怒吼。淫賤黎瑟縮一團︰「少膽虫，點算呀？」好在，少膽虫靈光一閃︰「腦細，我哋橫掂成日都作嘢，不如今次都話係作嘢喇！」淫賤黎拍掌道︰「好橋！之後都係炒晒佢哋，哈哈！」

少膽虫同淫賤黎頭耷耷步出等候室，向員互解釋炒魷純屬「作嘢」。「作嘢？你哋成日作嘢，仲想我哋信你？依家我哋唔撈喇，不過走之前要打你哋一鑊！」說罷，員工們磨拳擦掌，今次又真係多得淫賤黎唔少……

第一手消息請下載on.cc東方互動iPhone/iPad/Android/Windows Phone Apps