政壇：搞搞政：曾鈺成盼更多新血從政
設計圖片及對白
好多人都話本港政治人才不足、從政者質素低，立法會主席曾鈺成尋日出席一個活動時，就向年輕人招手，鼓勵在場近二百位青年人從政，仲話如果香港要邁向普選及有優質民主制度，就有賴政治人才喎。不過，立法會議政效率同質素都被人詬病，仲被人批評議員開會淨係識噴口水，冇實質作用，曾鈺成招攬青年人從政前，係咪應該帶領立法會先改善印象呢？否則議會最多只係加啲創意口水花，改善唔到議政質素。
設計圖片及對白
曾鈺成尋日出席香港青年協會嘅活動，講到青年政治人才，佢明言希望有一部分在座青年會立志從政，咁樣政圈就可以有啲新血。佢仲話，依家香港政治形勢比較複雜，好多問題都被扯到普選一事上，結果一啲小矛盾都會變大矛盾。
其實，近年好多80後、90後都好關心政治及社會事務，只係政黨運作走唔出大佬輩嘅操作，加上年輕人從政又要考慮經濟收入甚至前途等，所以好多青年人意興闌珊，到最後各黨又嗌冇新血，呢個循環只證明香港政圈真係需要大刀闊斧嘅改革。
