SUN搞作：少膽虫手記：奸險我瞓進
新亞桑拿，煙霧瀰漫。淫賤黎喺蒸氣房慢步出來，手上如健身球般把玩住番梘，喺少膽虫耳邊呵氣如蘭。「哦，少膽虫，我要入古……洞！」淫賤黎低吟。少膽虫下意識拉緊下身毛巾，呈高度防備狀態。
淫賤黎見少膽虫擰埋一面，輕輕用手抬起少膽虫下巴。少膽虫極力抗拒，爭持間，面上已吃了熱辣辣嘅一巴。「敬酒唔飲飲罰酒！」說罷，淫賤黎掟壹條底褲畀少膽虫。「着番條褲，即刻同我入新界！」少膽虫只覺壹陣全霉味，當堂暈咗。
朦朧間只覺身下灼燙，突然一醒，少膽虫先知自己身處古洞，仲驚見波叔就瞓喺旁邊。「我唔係喺新亞桑拿咩？點解會嚟咗新界焗桑拿嘅？」少膽虫大嗌。波叔喺雜草堆翻一翻身，伸個懶腰：「咩呀，有我喺度嘅地方，就有新亞精神。」少膽虫問：「點解波叔你喺度剝晒衫曬太陽嘅？真係用嚟度假咩？」
波叔拎出手機，查一查再答：「奸險我瞓進吖嘛！你腦細都係想你作好啲新聞，搵多啲錢，先至帶你入我私人嘅古洞咋！」
「哈哈！我都好有新亞精神，你睇吓我隻眼，係唔係只係得錢呢？」淫賤黎中途插入：「呢啲就係『錢目』大師嘅風範！睇嚟我都要請員工食吓炒魷魚……」
