政壇：莊家彬街頭「打邊爐」叉電
莊家彬企喺垃圾桶旁邊大啖咁吸，不出一分鐘就吸完。
早前一個下晝約兩點半鐘，見到莊士集團太子爺Albert莊家彬由太子大廈步出，佢由褲袋取出一包香煙，似乎想歎番支飯後煙嘅時候，先至發覺冇打火機喺身，佢於是行到最近距離嘅遮打道街頭報紙檔買打火機，期間仲企喺報紙檔前（目及）住啲雜誌。
莊家彬企喺垃圾桶旁邊大啖咁吸，不出一分鐘就吸完。
當時Albert煙癮正濃，迅即點起一支煙，但佢冇邊行邊食，反而走到附有煙灰缸嘅垃圾桶旁邊「打邊爐」，企定定大口大口咁抽。不出一分鐘，佢已將香煙吸到盡，最後將煙蒂丟進煙灰缸內。「叉電」完畢嘅Albert似乎好趕時間，急急腳咁返回歷山大廈辦公室。
