政壇：寇鴻萍歐遊賀女畢業
寇鴻萍（左二）一家到英國出席二女唐貝欣（左三）嘅大學畢業禮。
名媛寇鴻萍喺英國留學嘅二女Fiona唐貝欣，喺當地時間尋日舉行大學畢業典禮，寇鴻萍同老公梁廷鏘、長女Lydia唐貝詩同父母一行五人總動員出席支持，成績出眾嘅Fiona已獲著名學府牛津大學取錄修讀碩士。見到Fiona畢業，Lydia話媽咪雖未至於激動落淚，但表現好興奮，之後Fiona仲充當半個導遊，帶家人喺當地四處遊覽同到著名食店品嘗名菜。
寇鴻萍（左二）一家到英國出席二女唐貝欣（左三）嘅大學畢業禮。
寇鴻萍又準備咗十五日豪華郵輪假期，作為對Fiona嘅畢業禮物同獎勵，稍後佢哋就由倫敦出發，海上之旅途經西班牙、摩納哥、意大利同法國。咁到時會唔會瘋狂購物？Lydia坦言：「見到鍾意嘅都會買，但唔會特別大出血喇！因為今次同埋公公、婆婆一齊，主要以觀光為主。」
