政壇：黃錦成有心理準備嫁女
黃錦成寫書慶祝同太太攜手步入「紅寶石婚」。
九龍表行董事總經理黃錦成嘅寶貝女Angie黃雅芝最近忙到不得了，事關佢一邊打理家族生意，一邊修讀中文大學嘅高級管理人員工商管理碩士課程（EMBA），而且已覓得真命天子，梗係要把握每分每秒同男友拍拖。黃錦成就笑笑口話，囡囡呢個時候最靚喇，佢會做好心理準備隨時嫁女喎！
黃錦成寫書慶祝同太太攜手步入「紅寶石婚」。
黃雅芝（右）同男友賴明俊蜜運中。
早前Angie出席一個活動時向記者介紹男友Jovi賴明俊。Jovi係一間印刷包裝集團嘅第三代，同Angie係小學同學，後來各自去外國留學，直至前年喺小學同學嘅聚會上重逢，今年初至正式「過電」拍拖。Jovi笑稱同Angie嘅緣分好似早已注定。
講起夫妻相處之道，黃錦成透露，已着手寫書慶祝結婚四十周年，書中將憶述兩公婆嘅相處點滴，希望趕及明年六月「紅寶石婚」紀念日前出版。
