城中鏡：趙式芝冇婚姻概念
趙式芝接受慢必訪問時自爆曾患抑鬱症。
富商趙世曾女兒Gigi趙式芝接受立法會議員「慢必」陳志全主持嘅網上電台訪問尋日播出，Gigi喺節目中重提自己喺十四、十五歲時向媽媽姚煒坦承自己嘅性取向時，指姚煒表現得很激動，Gigi話：「佢舂頭埋牆，大喊話想死，之後好落力想拗番直我，爹哋知道後反應都差唔多，話自己死唔眼閉。」Gigi話讀大學時亦曾與男性拍過散拖，但感覺唔開心，後來仲患上抑鬱症。
趙式芝接受慢必訪問時自爆曾患抑鬱症。
早前Gigi嘅另一半Sean向外宣布佢哋已喺法國結婚一事，Gigi話：「佢係衝動咗，當時父母各自為我好惆悵，但其實父親處理得好好，只係無機會畀佢哋話支持我。」但Gigi話自從宣布後，姚煒承受壓力，封鎖自己，情緒抑鬱，Gigi話：「我依家捽緊Sean，佢係需要大方啲，因為佢有少少唔識處理我父母嘅反應，我覺得應該要製造機會畀長輩寬恕自己。」
提到對婚姻嘅睇法，Gigi直言自己唔知道婚姻為何，因自小就冇婚姻概念。
