SUN搞作：打橫嚟講：踢走上「樑」不正下「層」歪之貪官
世風日下！妖孽當道，人鬼不分！由香港廢柴政府最高層庸官奴才主政下，香港近四百日來，沒有一天安寧，香港人更沒有一日好過！
好！今日開壇，為匡扶正氣，就同大家講講邏輯類比學吧！
喺呢個充滿謊言偽語的廢墟裏，相信，大家都聽過，有人咁講：「哎呀！人哋都未做，你哋就炳佢，你哋點知佢做唔嚟呢？嗱！畀個機會人哋，等佢哋做吓先啦！」咁反智的話，毫無邏輯。若一間學校請數學老師，佢唔識計數，請佢返嚟托呀？邊做邊學？泳池請個唔識游水嘅救生員就「杰」啦！
看今天香港廢柴政府班粉皮狗官，亂港禍國一年，便知無能管治之災難有多大！便知「畀佢哋機會」一詞是多白癡！偷呃拐騙做盡，正正是「上樑不正下層歪」的鐵證。
原是「劏房波」的「囤地陳」無恥到敢借上帝之名，以「行公義、好憐憫」來誓死「絕對唔會辭職」咁話，仲拗其發言中的「太太及家人」和「太太及其家人」的字面分別，趴唔趴街吖？喂！各位老友讀者們，「太太及家人」同多咗個「其」字的「太太及其家人」，有乜唔同呢？唔通個仔唔係佢嘅？
當全個香港廢柴政府最高層官員統統就波波「囤地醜聞」無回應、無表態（即No comment）及無補充時，我倒想追問，點解波波及其太太當年咁鬼死叻能夠在該農地可改變用途前一兩個月下注，買下大塊「休閒地皮」嘅？有無收過風呢？若有，邊個話畀佢哋知嘅呢？
江湖傳聞，囤地陳本來吼住財爺個位的，呢啲貪性咁強（可媲美煲呔）嘅妖孽上到位，香港死實。後天，星期日，全港市民繼七一遊行後，又一次上街，要踢走上樑下層的貪官！請參加！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊（目及）實政府
