成日聽到好多攻擊：《爛果》迷信民鼠黨。大家唔見，繼劏房波、醉駕波、囤地波之後，波波仲未變漏氣波不特止，仲係誠信首長重視嘅有能官員咩？民鼠黨只係咁啱「引導」港人錯咗一次啫！

大家有所不知，當初淫賤黎搵虫仔見工，正值西姐喺全霉界叱咤風雲，少膽虫仲封佢為亞洲版瑪莎．蓋爾虹，喊住咁同淫黎講要做佢二號。然而，可能因為四方果太好賣，竟然孕育出一隻四方西來。淫賤黎成日針拮舌筋，令到個人清醒啲，少膽虫都曾經建議四方西去拮埋一份，話唔定個人會圓滑啲，講啲嘢入耳啲，咪唔會連累《爛果》畀人小囉！點知，四方西怒火中燒，仲指住少膽虫，叫條虫用完會議室記得熄燈添。少膽虫嗰刻好後悔自己侮辱咗瑪莎。

最近就有個調查，話現代人最下賤就係唔識節省資源，少膽虫先知四方西好有先見之明。大家睇吓波波嘅完美演繹：善用空間、慳搭車錢，至於囤地？咪即係好似阿婆儲錢喺麵粉罐之後一次拎去銀行買匯豐之嘛，有咩唔啱？

第一手消息請下載on.cc東方互動iPhone/iPad/Android/Windows Phone Apps