立法會前資訊科技界議員「IT豪」譚偉豪自從冇做議員後，多咗時間到外地考察，上星期佢就去咗日本大阪參加由香港數碼港同一個日本機構安排嘅交流團，同日本資訊科技界從業員分享港人喺珠江三角洲投資嘅經驗，之後仲同一班新相識嘅日本朋友齊齊去食飯聯誼。
IT豪之後仲去咗車廠參觀電動跑車，仲非常興奮咁同跑車製造商CEO（行政總裁）喺跑車前合照。佢話呢間公司成立只有兩至三年，業務發展漸上軌道，依家該公司想搵本港代理大展拳腳，問香港朋友們有冇興趣合作喎，話自己可以代為介紹添！
